بحبه يــــا بابا
بحـــبه
البنت منكم فى يوم جميل كده تروح لابوها وهو قاعد يشرب الشاى فى البلكونه ساعه
العصريه
تقوله:- بابى بابى انا كنت عايزة اكلمك فى موضوع كده
الاب:- موضوع اية يا حبيبتى قولى لبابى كل اللى انتى عايزاه
البنت:- بابى
فى واحد كان عايز يقابلك
الاب:- يقابلنى انا خير لية اتى عاملتى
حاجه
البنت:- لا والله يا بابى ده واحد زميلى كده وكان عايز يكلمك
فى موضوعنا
الاب:- موضوعكوا ليه؟ هو فى بينك وبينه مواضيع؟
البنت:- خلاص بقى يا بابى يعنى انت متعرفش متحرجنيش اكتر من كده
الاب:- قال يعنى يا بت انتى وش كسوف اوى، ويطلع مين سياته ولا بيشتغل ايه وأبوة مين
البنت:- ده حماده يا بابى واما تشوفه وتكلمو هتعرف عنو كل حاجه
الاب:- طيب
امتى هشوف سى حماده بتاعك ده
البنت:- بكره الساعه 8 هييجى يشرب
الكابتشينو بتاعو معاك
الاب:- يشرب ايه كابتشينو ،طيب ياختى اما
نشوف اخرتها
ويجى حماده فى معاده بالظبت تانى يوم عالساعه 10 كده ,
يفتحلو الاب الباب على اساس انو هيشوف سيد الرجاله ، يلاقيه واحد كده مللى
مساقطين البنطلون واظاهر انو شاف قطه على السلم وهو طالع فاتخض وشعروا وقف ،
ولا ريحه البرفان اللى حاططها تسطل
الاب:- ايوه حضرتك مين وعايز مين
حماده:- ايه يا انكل انت مش عارفنى ولا ايه انا حماده
الاب:-
حماده ميين؟
حماده:- حماده يا انكل اللى توتى كلمتك عنى
الاب:- توتى مين انا معرف حد بالاسم ده
حماده:- يييييوه بقى توتى بنتك يا
انكل
الاب:- هى فتحية بنتى بقت توتى طيب أدخل يابنى ادخل
ويدخل حماده الصالون ويعد يكلم الاب عن اخر موضه فى رقص النيجر وازاى بيدخل
مسابقات هو واصحابوا فى البلاى استيشن
والاب ياعينى قاعد يضرب كف
على كف من اللى بيسمعوا وفى اخر القاعده
حماده:- اية رأيك يا عمو؟
الاب:- رأيى فى ايه يا سى حماده
حماده:- هيكون فى ايه يعنى فيا طبعا
الاب:-
اه فيك انت , خلينى ساكت احسن يابنى واتفضل من غير مطرود ورينى عرض البادى
بتاعك كام برررررررررررررررة
وطبعا توتى سامعه دا كلة من ورا الباب
وأول ماتسمع كده تجرى بسرعه على باباها
توتى:- فيه ايه يابابى بس
حماده عمل اية
الاب:- بابى ايه ياختى انتى بتستهبلى ايه اللى
جايبهولى ده
ده اصنفو فى انهى اتجاه انا اعرف ان فيه رجاله وستات
لكن ده بقى احطوا فى انهى خانه امشى يا بت اجرى ادخلى قوطك وحسابى معاكى
بعدين اما اخلص من سى حماده ده الاول
ويروح الاب مدى حماده قلم من
بتوع الخادمين مرجعو لبطن امه تانى يتعلم الاكل والشرب من اول وجديد
ــــــــــــــــــ
سيبكوا
انتو بقى من حماده وتوتى دلوقتى ديه كانت مجرد قصه
لكن المشكله هنا
ان نموذج توتى وحماده انتشر كتير جدا فى مجتمعنا بمعنى ان البنت تروح تجيب
لابوها واحد لسه متعلمش يمشى لوحدو من غير ايد مامتو وتقولو بحبه يا بابا
بحبه
ده بالزمه يتحب فيه ايه انا مش فاهم راح فين الرجاله اللى
تتحب بجد ولا يمكن معظم المجتمع بقى كده والرجاله بقت عمله نادرة
يـــــــا بنات ده مش حب لازم تحبى اللى بجد هيحافظ عليكى واللى تقدرى تعتمدى عليه
مش اللى لسه بياخد مصروفه من باباه
عشان على الاقل تحسى انك فى ظل
راجل مش ظل شمسيه وبلاستك كمان
تاريخ التسجيل
الإثنين 21 فبراير 2011, 17:21
.gif)
